Jondal Turistkontor

Pilagutt
English pages German seite Norske sider

 

Opplevingar med Pilagutt

Her er nokre standard produkt Pilagutt tilbyr. Ta kontakt om du ynskjer eit skreddarsydd opplegg for Dykkar gruppe. Mannskapet ombord på Pilagutt har alltid fokus på tryggleik, service, og gje gode opplevingar.


Fjordcruise på Hardangerfjorden
(for grupper og enkelt deltakarar)
2 timars fjordcruise med utgangspunkt frå Jondal kai. Her vil skipperen ta deg med ut på fjorden med nydleg utsikt til høge fjell, fossefall og idylliske fruktgardar langs fjorden. Du har god tid om bord til å nyte dei mange inntrykka. Reiser du i mai får du med deg den kjende fruktblomstringa i Hardanger også. Undervegs for du god servering ombord, og skipperen kan fortelje mang ein historie frå Hardangerfjorden. Sesong heile året for grupper, for enkelt deltakar kan ein melde seg på oppsette turar, ta kontakt.

Fisketur på Hardangerfjorden (for grupper og enkelt deltakarar)
Hardangerfjorden er Noregs 2 lengste, og den er djup, ca 900 meter på det djupaste. Dette er eit elderado for ulike fiskeslag. Pilagutt er god å fiske frå, og skipperen veit om lokale fiskeplassar heilt etter kva fisk du er ute etter. Kva med å dorge etter aure? Eller få ein skikkeleg torsk på kroken? Dette er ein svært populær tur for familliar, til og med minstemann kan stå trygt og konfortabelt og fiske. Lengde på fisketurane varierer frå 2-5 timar. Grupper bør tinge tur i god tid på førehand, sesong heile året. Det vil bli sett opp datoar med fisketurar som enkelt deltakarar kan melde seg på i sommar månadane.

Fjordcruise og bretur (for grupper)
Dette er eit fantastisk tilbod for grupper som bur på Hotell i Hardanger og vil ha avbrekk frå møter eller konferanse. Pilagutt plukkar deg opp om morgonen, serverer fiskesuppe mens du nyt synet av fjordlandskapet, med dei grøne liene, kvite fjell toppane, og breen øvst oppe. Vel framme i Jondal står buss og ventar på Dykk, ferda går no 19 km og 1200 høgdemeter opp til Folgefonn Sommarskisenter, denne turen er spektakulær, ein ser landskapet endrar seg til høgfjell og til sist står ein ved foten av Folgefonna. Her møter breførar frå Folgefonni Breførarlag Dykk. De får naudsynt breutstyr, også sko og klede om De ikkje har. De er no klar for eit eventyr i blått i Juklavassbreen. Som på Pilagutt er tryggleik og service i fokus også på breen. Her kan ein gå enkelt i isen, eller få utfordingar i form av isklatring og rappelering. Dette tilpasser ein individuellt. Vel inni isen tek ein lunsj. Vel nede att ventar Pilagutt med god mat og drikke og transporterer deg trygt heim til hotellet. Denne turen kan ha utgangspunkt frå De fleste hotella i Hardanger men også frå Rosendal eller Solstrand på Os. Sesong frå juni til september.

Fjordcruise og sommarski (for grupper)
Pilgutt plukkar deg opp ved hotellet eller anna plass langs Hardangerfjorden, fraktar dykk til Jondal kai. Her ventar buss og tek deg med til Folgefonn Sommarskisenter 1200 moh. Her ser ein fjorden under seg og Nordsjøen i vest mens ein utfaldar seg på alpint eller snowboard. Svært gode skiforhold heile sommaren. Etter ein lang dag på ski tek Pilagutt deg tilbake der du vil langs fjorden. Sesong frå mai til august.

Fjordcruise VIP (for VIP)
Pilagutt er ein ny og moderene båt. Ein kan skreddarsy eksklusiv lunsj eller 3 rettars middag ombord, gjerne med eigen kokk. Ein kan få ei heilt spesiell ramme rundt feiringa av t.d ny kontrakt, jubileum, 50 årsdag osv. Unike attraksjonar rundt om i Hardanger kan leggjast inn i programmet. Eit flott opplegg om våren kan vere "ski and sail", ein har då eigen skiguide ombord og reiser der skiforholda er best, overnatting på eksklusive stader i langs fjorden. Full diskresjon. Sesong heile året. Ta kontakt.

Vaktbåt / arbeidsbåt
Pilagutt er en spesialbygga Viknes 1030 som oppfyller krava for å utføra vaktbåt oppdrag.
Masta har 3 rundtlysande lanterner i tillegg til standard lanterneføring og vaktbåtflagg.
For god overvåking av skipstrafikken har den elektroniske kart med AIS. 2 fastmonterte VHF`ar og 1 bærbar VHF sørger for god og sikker kommunikasjon. Rask responstid med 20 knop. Dekket er sjølvlensande med spylepumpe på dekk. Hydraulikkpumpe med hurtigkobling og garnhaler som kan byttast ut med anna hydrauliskt utstyr som gjer fartøyet godt egna for bunnprøvar med grabb. . Ta kontakt for pris tilbod.

Du kan tinga turane over på Juklafjord, turistinformasjonen i Jondal. Ta kontakt for kapasitet og pris. E-post: post@visitjondal.no eller telefon +47 53 66 85 31. Du kan også ta direkte kontakt med Kurt eller Arne som er skipparar ombord på Pilagutt.

Kontakt informasjon:
Pilagutt: +47 48 95 54 82
Kurt Sollesnes: + 47 90 57 89 05 (eigar og skippar)
Arne Vik: + 47 41 25 77 33 (skippar)
E-post adresse: pilagutt@hotmail.com
Web: www.pilagutt.no


Startside Pilagutt-------------Detaljar om Pilagutt-------------Produkt med Pilagutt

Fisking

Folgefonn Sommarskisenter

Isklatring

Mat ved fjorden

Kultur og naturlandskap sett frå Pilagutt

Contact information