Jondal -Folgefonnlandsbyen

I Jondal er den korte avstanden frå fjord til fonn den raude tråden i naturopplevingane. Du byrjar dagen på breen og endar i kajakk eller ved bålet i fjøra om kvelden. Både Fonna Glacier Ski Resort og Folgefonni Breførarlag tilbyr aktivitetar på og kring breen. Båten Pilagutt opnar nye moglegheiter i Hardanger, no er fjorden igjen blitt ferdselsveg og plass for store opplevingar.

Nede ved fjorden kan du vandra kring i bygdene som er særprega av sveitsarstilhus med helletak og velstelte frukthagar bundne saman av smale grusgangar. I sentrum av sjølve Jondal finn ein blant anna turistinformasjonen, daglegvarebutikkar, flotte badestrender, utleige av syklar og kajakkar, GPS stiar, samt utleige av båt.

I Herand Landskapspark er det turstiar, klatrevegg, Hardanger kulturgalleri, helleristningar, båtbyggjarmuseum, oppgangssag og Meieriet pizzarestaurant. I Herand finn du også firmaet Kramsjø som har mange spennade aktivitetar og utleige av sykkel.

Både Jondal og Herand har trivlege gjestehamner med tilgang på drivstoff for båtfolket og eit variert overnattings tilbod, alt frå romantiske gardsstover til fjordnære rom.

Turistinformasjonen i Jondal finn du i Juklafjord som ligg sentralt plassert i sentrum og er ope kvar dag frå 10. juni til 20. august. Opningstider er 09:30 til 16:00 i juni, i juli og august til kl. 18:00.

Nyttige telefonnummer i Jondal

Turistinformasjonen i Juklafjord opnar 10. juni 2013, inntil då hjelper me deg gjerne via telefon eller e-post. Velkommen til Jondal!

Du finn mykje informasjon om Jondal og Hardanger på www.hardangerfjord.com og i Hardangerguiden for 2013